નવી દિલ્હી, 70માં રાષ્ટ્રીય ફિલ્મ પુરસ્કાર- નેશનલ ફિલ્મ એવોર્ડની જાહેરાત થઈ છે. જેમાં હિન્દી કરતા સાઉથ ઈન્ડીયન ફિલ્મોએ મેદાન માર્યું છે તો ગુજરાતી ફિલ્મ કચ્છ એકસપ્રેસ પણ એવોર્ડ વિજેતા બની છે. જુદી જુદી કેટેગરીમાં નેશનલ ફિલ્મ એવોર્ડ જાહેર થયા છે. રાષ્ટ્રીય ફિલ્મ પુરસ્કારોનું આયોજન દર વર્ષે ભારત સરકારના માહિતી અને પ્રસારણ મંત્રાલય દ્વારા કરવામાં આવે છે.
આ વર્ષ અભિનેતા મનોજ વાજપેઈની ફિલ્મ ‘ગુલમોહર’ ને બેસ્ટ હિન્દી ફિલ્મ માટે એવોર્ડ મળ્યો છે. આટલુ જ નહીં આ ફિલ્મને સ્પેશ્યિલ મેંશન પણ મળ્યું છે. ‘ગુલમોહર’ સિવાય મલયાલમ ફિલ્મ ‘કંધીકન’, ‘પોનિયન સેલવન પાર્ટ-1’ અને સંજય સલિલ ચૌધરીને પણ સ્પેશિયલ મેંશન મળ્યું છે. ઋષભ શેટ્ટીએ પોતાની બ્લોકબસ્ટર ફિલ્મ ‘કાંતારા’ માં બેસ્ટ અભિનેતા માટે આ એવોર્ડ મળ્યો છે. આ પહેલા મામૂટી અને ઋષભ શેટ્ટીનું નામ બેસ્ટ અભિનેતાની કેટેગરીમાં હતું. સાઉથ સુપર સ્ટાર યશની ‘કેજીએફ ચેપ્ટર-2’ બેસ્ટ કન્નડ ફિલ્મ બની છે.
જુઓ સમગ્ર લિસ્ટ
- બેસ્ટ મલયાલમ ફિલ્મ: આનંદ એકાર્શી (આટ્ટમ)
- બેસ્ટ પોપ્યુલર કન્નડ ફિલ્મ: કાંતારા
- બેસ્ટ ફીચર ફિલ્મ: નિત્યા મેનન (તિરૂચિત્રમ્બલમ)
- બેસ્ટ ફિલ્મ અભિનેત્રી: માનસી પારેખ (ગુજરાતી ફિલ્મ – કચ્છ એક્સપ્રેસ )
- બેસ્ટ ડાયરેક્શન: સુરજ બડજાત્યા (ફિલ્મ: ઊંચાઈ)
- બેસ્ટ ડેબ્યૂ ફિલ્મ બાય ડાયરેક્ટર: પ્રમોદ કુમાર ( હરયાણવી ફિલ્મ ફૌજા)
- બેસ્ટ પ્રોડક્શન ડિજાઈનર: અપરાજિતો
- બેસ્ટ એડિટિંગ: (મલયાલમ ફિલ્મ આટ્ટમ)
- બેસ્ટ અભિનેતા: ઋષભ શેટ્ટી ( ફિલ્મ કાંતારા)
- બેસ્ટ સંગીતકાર: પ્રીતમ ( ફિલ્મ બ્રહ્માસ્ત્ર )
- બેસ્ટ બંગાળી ફિલ્મ: કાબેરી અંતર્ધાન
- બેસ્ટ મરાઠી ફિલ્મ: વાલવી
- બેસ્ટ તેલગું ફિલ્મ: કાર્તિકેય 2
- બેસ્ટ તામિલ ફિલ્મ: પોન્નિયન સેલવન ભાગ-1
- બેસ્ટ કન્નડ ફિલ્મ: કેજીએફ ચેપ્ટર 2
- બેસ્ટ અસમ ફિલ્મ: ઈમુથી પુથી
- બેસ્ટ ઓડિયા ફિલ્મ: દમન
- બેસ્ટ પંજાબી ફિલ્મ: બાગી દી ધી
- બેસ્ટ તિવા ફિલ્મ: સિકૈસલ
- બેસ્ટ સ્ટંટ અને કોરિયોગ્રાફી: કેજીએફ ચેપ્ટર- 2
- બેસ્ટ ફિલ્મ અને મેંશન: મનોજ વાજપેઈ (ફિલ્મ ગુલમોહર)
- બેસ્ટ ફિલ્મ અને મેંશન: સંજય સલિલ ચૌધરી (ફિલ્મ કંઘિકન)
- બેસ્ટ નન ફીચર એડિટિંગ: સુરેશ ઉર્સ ( ફિલ્મ મધ્યાંતર )
- બેસ્ટ નન ફીચર ફિલ્મ: આઈના
- બેસ્ટ ફિમેલ સિંગર: બોંબે જયાશ્રી
રાષ્ટ્રીય પુરસ્કાર શા માટે આપવામાં આવે છે?
70માં રાષ્ટ્રીય ફિલ્મ પુરસ્કાર દેશનું સૌથી મોટું પ્રતિષ્ઠિત પુરસ્કાર છે. જેની જાહેરાત દેશભરમાં સર્વશ્રેષ્ઠ ફિલ્મ નિર્માણ અને પ્રતિભાઓને સન્માનિત કરવા માટે દર વર્ષે આયોજન કરવામાં આવે છે. કેન્દ્રીય માહિતી અને પ્રસારણ મંત્રાલય દ્વારા ફિલ્મ ફેસ્ટિવલ ડિરેક્ટોરેટ અનુસાર રાષ્ટ્રીય ફિલ્મ પુરસ્કારોનો ઉદ્દેશ ‘સૌંદર્યલક્ષી અને તકનીકી શ્રેષ્ઠતા અને સામાજિક સુસંગતતા ધરાવતી ફિલ્મોના નિર્માણને પ્રોત્સાહિત કરવાનો છે. દેશમાં સૌપ્રથમ 1954માં આ પુરસ્કાર આપવામાં આવ્યા હતા, જે રાજ્ય પુરસ્કારો તરીકે જાણીતા હતા. તે વર્ષોમાં, વિવિધ પ્રાદેશિક ભાષાઓની શ્રેષ્ઠ ફિલ્મોને જ માન્યતા આપવામાં આવી હતી અને પુરસ્કાર આપવામાં આવ્યા હતા. આ પુરસ્કાર સૌપ્રથમ 1967માં ફિલ્મોમાં કામ કરતા કલાકારો અને ટેકનિશિયનને આપવામાં આવ્યા હતા. ‘રાત ઔર ડે’ માં તેના અભિનય માટે શ્રેષ્ઠ અભિનેત્રીનો એવોર્ડ મેળવનાર નરગીસ પ્રથમ અભિનેત્રી હતી. ઉત્તમ કુમારે એ જ વર્ષે એન્ટની ફિરિંગી અને ‘ચિડિયાખાના’ માટે શ્રેષ્ઠ અભિનેતાનો એવોર્ડ જીત્યો હતો.