નવી દિલ્હી, બાંગ્લાદેશના પૂર્વ વડાપ્રધાન શેખ હસીના દિલ્હી નજીક ગાઝિયાબાદ પહોંચી ગયા છે. તેમનું પ્લેન C-130 સાંજે 5.36 વાગ્યે હિંડન એરપોર્ટ પર લેન્ડ થયું હતું. બાંગ્લાદેશના વડાપ્રધાનનું વિમાન ભારતીય વાયુસેનાના હેંગર પાસે પાર્ક કરવામાં આવ્યું છે. વાયુસેના સમગ્ર હિલચાલ પર નજર રાખી રહી છે. સુરક્ષા દળો અને વાયુસેનાના સૂત્રોનું કહેવું છે કે તેમનું વિમાન ભારતીય હવાઈ ક્ષેત્રમાં પ્રવેશતાની સાથે જ તેઓ હિંડોન એરપોર્ટ પહોંચ્યા ત્યાં સુધી અમે તેમના પર નજર રાખી હતી.
Bangladesh PM Sheikh Hasina has landed at Hindon Air Base in a C-130 transport aircraft. The aircraft will be parked near the Indian Air Force’s C-17 and C-130J Super Hercules aircraft hangars. The aircraft movement was monitored by Indian Air Force and security agencies from its… pic.twitter.com/TgkeZlNyvu
— ANI (@ANI) August 5, 2024
તમને જણાવી દઈએ કે, હસીનાએ આજે બપોરે 2.30 વાગ્યે રાષ્ટ્રપતિ નિવાસ બંગભવનથી આર્મીના હેલિકોપ્ટરમાં ટેકઓફ કર્યું હતું. શેખ હસીનાની સાથે તેની નાની બહેન શેખ રેહાના પણ છે.
વચગાળાની સરકાર સત્તા સંભાળશે
બાંગ્લાદેશમાં લાંબા સમયથી ચાલી રહેલી હિંસાને કારણે શેખ હસીનાએ વડાપ્રધાન પદ પરથી રાજીનામું આપવું પડ્યું હતું. હાલમાં બાંગ્લાદેશમાં વચગાળાની સરકાર શાસન કરશે. બાંગ્લાદેશના આર્મી ચીફ વકાર-ઉઝ-ઝમાને કહ્યું કે અમે દેશમાં શાંતિ પુનઃસ્થાપિત કરીશું અને નાગરિકોને હિંસા બંધ કરવાની અપીલ કરી રહ્યા છીએ.